Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სამეგრელო ზემო-სვანეთის მხარის გუბერნატორმა ლევან შონიამ თურქულ კლინიკა ,,MEDICAL PARK’’-ის წარმომადგენლებთან საკონსულტაციო შეხვედრა გამართა.
შეხვედრა, რომელსაც ზუგდიდის მუნიციპალიტეტის საკრებულოს თავმჯდომარე მამუკა წოწერია, ადგილობრივი ხელისუფლებისა და მედიცინის წარმომადგენლები ესწრებოდნენ, მიზნად ისახავდა ზუგდიდში ,,MEDICAL PARK’’-ის საკონსულტაციო ცენტრის გახსნას, რომელსაც თვეში ერთხელ თურქი ექიმები ეწვევიან და პაციენტებს უფასო კონსულტაციებს გაუწევენ. პაციენტები, ასევე 20%-ნი ფასდაკლებით ისარგებლებენ თურქეთის სამედიცინო ცენტრში, სხვადასხვა მომსახურებებზე.
დელეგაციას ნათია კვანტალიანი ხელმძღვანელობდა, რომლის შემადგენლობაში კლინიკის გენერალური დირექტორი აბდულაჰ ჯანთურქი და თურქი ექიმები შედიან. დელეგაციის შემადგენლობაში ასევე შ.პ.ს. გამანჯასაღებელი ტურიზმი ,,ლიზი’’-ს დამფუძნებელი ნანა გაგნიძეცაა, რომელიც ,,MEDICAL PARK’’-ში მუშაოს და ქართველ პაციენტებს კონსულტაციებსა და სხვადასხვა სახის სამედიცინო მომსახურებას ფასდაკლებით უწევს.
,,MEDICAL PARK’’-ი თურქეთის ერთ-ერთი უმსხვილესი სამედიცინო ქსელია, რმელიც მოიცავს 33 სამედიცინო ცენტრს და სპეციალიზირებულია ავადმყოფების კომპლექსურ რეაბილიტაციაზე.