Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქმარ-შვილის მკვლელობაში ბრალდებულ მაგდა პაპიძის ადვოკატი სასამართლოს აღკვეთის ღონისძიების სახით პატიმრობის შეცვლის შუამდგომლობით მიმართავს.
“როცა შეუფარდეს აღკვეთის ღონისძიება, მოტივი იყო, რომ მაგდა გამოძიების მსვლელობაზე მოახდენდა ზეგავლენას. ახლა, როცა გამოძიებამ ფაქტობრივად დაასრულა მუშაობა და საგამოძიებო მოქმედებები, შეუძლებელია მან ზეგავლენა მოახდინოს მოწმეებზე, ვინაიდან ჩვენებები უკვე მიცემული აქვთ და არ უნდა შეცვალონ”, – განაცხადა პროცესზე ადვოკატმა.
მისივე თქმით, შესაბამისად, არ არსებობს იმის აუცილებლობა, რომ მაგდა პაპიძე იყოს საპატიმროში.
“არც მიმალვის საფრთხე არსებობს. ერთადერთი, სადაც შეიძლება მაგდა პაპიძე მივიდეს, ეს არის მისი შვილის საფლავი. შესაბამისად, ვშუამდგომლობთ აღკვეთის ღონისძიების შეცვლის თაობაზე”, – განაცხადა პროცესზე ადვოკატმა.
ბრალდების მხარე დაცვის მხარის შუამდგომლობას არ ეთანხმება.