Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი ეკონომიკური თანამშრომლობისა და განვითარების ორგანიზაციის (OECD) დელეგაციას შეხვდა. მხარეებმა განიხილეს OECD – საქართველოს თანამშრომლობის გაღრმავების შესაძლებლობები და „OECD ევრაზიის კვირეული 2020“-ის ფარგლებში განსახილველი საკითხები. ღონისძიებაში, რომელიც მარტის მეორე ნახევარში საქართველოში გაიმართება, 400-ზე მეტი დელეგატი მიიღებს მონაწილეობას, მთავარი განსახილველი თემა კი საქართველოს მცირე და საშუალო მეწარმეობის განვითარების სტრატეგია იქნება. დელეგაციას OECD – ის გლობალურ ურთიერთობათა დეპარტამენტის დირექტორი ანდრეას შაალი ხელმძღვანელობს. ეკონომიკური თანამშრომლობისა და განვითარების ორგანიზაციის მიზანია ხელი შეუწყოს მოქალაქეების ეკონომიკური და სოციალური კეთილდღეობის გაუმჯობესებას, OECD-ის ექსპერტები, მთავრობებთან თანამშრომლობით, სწავლობენ მსოფლიოში წარმოების, ვაჭრობისა და ინვესტიციის ნაკადებს, აანალიზებენ მონაცემებს და ადგენენ საერთაშორისო ნორმებს სხვადასხვა სფეროში.