Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
„ჩვენ ვმუშაობთ, რომ ყველა დაპირება შევასრულოთ, ძალიან ბევრი დაპირება შესრულდა და ძალიან ბევრი მიმართულებით არის პროგრესი, მაგრამ ეს არ ნიშნავს იმას, რომ ჩვენ პრობლემებს ვერ ვხედავთ, პირიქით უკეთესად ვხედავთ ვიდრე სხვები” – ამის შესახებ ფინანსთა მინისტრმა ნოდარ ხადურმა განაცხადა. მისი თქმით, ხელისუფლება ყველაფერს აკეთებს მოსახლეობის ეკონომიკური მდგომარეობის გასაუმჯობესებლად. მინისტრმა პენსიების ზრდაზე გაამახვილა ყურადღება და აღნიშნა, რომ პენსია სექტემბრიდან გახდება 216 ლარი მაღალმთიან რეგიონებში მაცხოვრებელი პენსიონერებისთვის.
„ბიუჯეტი არის ყოველწლიური დოკუმენტი და ყოველწლიურად საქართველოს დოკუმენტი სრულდება. მეოთხე ბიუჯეტია, რომელზეც ჩვენ ვმუშაობთ და ჩვენ ყველაფერს ვაკეთებთ იმისათვის, რომ ხალხის მდგომარეობა გაუმჯობესდეს. პენსია 110 ლარიდან გახდა 180 ლარი და სექტემბრიდან კი გახდება 216 ლარი მაღალმთიან რეგიონებში მაცხოვრებელი პენსიონერებისთვის. ასევე თანმიმდევრულად იზრდება მასწავლებლების შრომითი ანაზღაურება და ყველა ბავშვი არის უზრუნველყოფილი სახელმძღვანელოთი. პროგრესია, უმაღლესში არსებობს 21 სპეციალობა, სადაც შეიძლება უფასოდ ისწავლო, ყველა სოფელში, სადაც არ არის სკოლა, უზრუნველყოფილი გვყავს მოსწავლეები ტრანსპორტით და მათ 7 და 10 კილომეტრის გავლა ფეხით აღარ უწევთ. ეს არის ნაბიჯები, რომლებსაც ჩვენ ვდგამთ, ეს არის ის დაპირებები, რაც ჩვენ გავეცით და ვასრულებთ, ჩვენ ვმუშაობთ , რომ ყველა დაპირება შევასრულოთ, ძალიან ბევრი დაპირება შესრულდა და ძალიან ბევრი მიმართულებით არის პროგრესი, ეს არ ნიშნავს იმას, რომ ჩვენ პრობლემებს ვერ ვხედავთ, პირიქით უკეთესად ვხედავთ, ვიდრე სხვები”,-განაცხადა ხადურმა.