გვიან ღამით სოფელ ხიდმაღალაზე მდინარე სუფსა ადიდდა და 20-მდე საკარმოდამო ნაკვეთი დატბორა. 22 ოჯახს კი სახურავი დაუზიანდა.
სტიქიის ზონაში გამგებლის პირველი მოადგილე ნუგზარ ცინცაძე შესაბამისი სამსახურების თანამშრომლებთან ერთად იმყოფებოდა.
თითქმის ყველა ადმინისტრაციულ ერთეულში, განსაკუთრებით კი სუფსაში, დატბორილია საყანე ფართობები.
მუნიციპალიტეტის სოფლებში ზარალის ზუსტი ოდენობის დათვლა მიმდინარეობს.
ამ დროისთვის ელექტროენერგია შეზღუდვით მიეწოდება ჩოჩხათის, მამათისა და ჩიბათის ადმინისტრაციულ ერთეულებს. როგორც „ენერგო პრო ჯორჯიას“ ადგილობრივ ფილიალში განმარტეს, მიმდინარეობს აღდგენითი სამუშაოები.
საგანგებო შტაბი უწყვეტ რეჟიმში აგრძელებს მუშაობას.
მდინარე სუფსა ადიდდა და 20-მდე საკარმოდამო ნაკვეთი დატბორა
17/10/2017