Доступно только по Грузински For the sake of viewer convenience, the content is shown below in the alternative language. You may click the link to switch the active language.
23 აგვისტოს მომხდარი ძლიერი ქარისა და წვიმის შედეგად, ოზურგეთისა და ლანჩხუთის მუნიციპალიტეტებში სტიქიამ პრობლემები შექმნა.
ოზურგეთის მუნიციპალიტეტში ნატანებსა და დაბა ურეკში დაზიანებულია 19 საცხოვრებელი სახლის სახურავი, რომელიც აღდგენას საჭიროებს. ხოლო ლანჩხუთის მუნიციპალიტეტში, ღრმაღელესა და სუფსაში 14 საცხოვრებელი სახლის სახურავია დაზიანებული. ასევე დაზიანებულია შიდა გზები. ავტოტრანსპორტის მოძრაობა შეზღუდული არ არის.
“სტიქიის სალიკვიდაციო ღონისძიებები ორი დღის განმავლობაში ინტენსიურად მიმდინარეობდა. გაწმენდილია ადგილობრივი მნიშვნელობის გზები. აღდგენილია ელექტროენერგიის მიწოდება. ჯამში, სულ ოზურგეთში (ურეკი, ნატანები) და ლანჩხუთში (ღრმაღელე, სუფსა) დაზიანდა 33 საცხოვრებელი სახლის სახურავი.
ზარალის ოდენობამ ორივე მუნიციპალიტეტში შეადგინა 405 000 ლარი. მინდა მადლობა გადავუხადო ყველა მუნიციპალურ და სამაშველო სამსახურს ოპერატიული რეაგირებისა და გაწეული დახმარებისთვის,“- განაცხადა გურიის გუბერნატორმა, მერაბ ჭანუყვაძემ.
ზარალის საბოლოო მონაცემები დღის ბოლოსთვის გახდება ცნობილი.