ქობულეთის მერმა მირიან ქათამაძემ მერიის სტრუქტურული ერთეულების ხელმძღვანელებთან ერთად სამუშაო თათბირზე ქობულეთის განვითარების სტრატეგიასა და ტურისტული სეზონის მოახლოებასთან დაკავშირებულ საორგანიზაციო საკითხებზე ისაუბრა. მუნიციპალიტეტის პირველმა პირმა მიმდინარე და მოსახლეობისათვის აქტუალური საკითხები განიხილა, რომლებთან დაკავშირებით მერმა სამსახურებს მკაცრი კონტროლი და სწრაფი რეაგირება დაავალა. მან მოისმინა ინფორმაცია ინფრასტრუქტურული პროექტებისა და ზედამხედველობითი ღონისძიებების მიმდინარეობის, ასევე გამოცხადებული ტენდერების შესახებ. მირიან ქათამაძემ სამსახურებს მოსახლეობის მხრიდან დაფიქსირებული პრობლემების შესწავლა და მათზე სწრაფი რეაგირება, ახალი საბავშვო ბაღების გახსნასთან დაკავშირებული საორგანიზაციო საკითხების მოგვარება, მიმდინარე ხელშეკრულებათა შესრულების კონტროლი, უსახური შენობების დემონტაჟი, სეზონური ობიექტების ვიზუალიზაციაზე ზრუნვა და უკანონო ნაგავსაყრებელების მონიტორინგი დაავალა.
0