Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქალაქ თბილისის მუნიციპალიტეტის ტერიტორიაზე მერიის ეკოლოგიისა და გამწვანების საქალაქო სამსახური გეგმავს გადაბერებული, ფაუტი, ხმობადი და ავარიული ხეების მოჭრას და მათი ახალი ხე-მცენარეებით ჩანაცვლებას. აღნიშნული პროექტის განხორციელებას სამსახური იწყებს კიევის ქუჩაზე, სადაც უშუალოდ სპეციალისტების მიერ მოხდა ხე-მცენარეების დათვალიერება და მათი მდგომარეობის შესახებ შეადგინეს შესაბამისი ოქმი. სპეციალისტების რეკომენდაციის საფუძველზე გამხმარი და ავარიული ხეები უახლოეს დღეებში ჩანაცვლდება 3-მეტრიანი წაბლის ხეებით. ხმობადი და ავარიული ხეების, ახალი ხე-მცენარეებით ჩანაცვლების გარდა, ფეხით სავალ ნაწილზე დამატებით მოინიშნა ადგილები სადაც დაირგვება 3 მეტრიანი წაბლის ხეები.