Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს საგარეო საქმეთა მინისტრმა მიხეილ ჯანელიძემ გამართა გამოსამშვიდობებელი შეხვედრა საქართველოში ქუვეითის საგანგებო და სრულუფლებიან ელჩთან მუბარაქ ალ სეჰაიანთან (Mubarak Al-Sehaijan).
შეხვედრის ფარგლებში საგარეო საქმეთა მინისტრმა მადლობა გადაუხადა ელჩს ორი ქვეყნის ურთიერთობების გააქტიურებაში შეტანილი წვლილისათვის და წარმატებები უსურვა მას მომავალ საქმიანობაში. მხარეებმა ასევე განიხილეს საქართველოსა და ქუვეითს შორის დღის წესრიგში არსებული საკითხები და თანამშრომლობის განვითარების გეგმები. მათ შორის ურთიერთვიზიტების განხორციელება და სამართლებრივი ბაზის განვითარება.
ქუვეითის მხარემ კიდევ ერთხელ დაადასტურა საქართველოს სუვერენიტეტისა და ტერიტორიული მთლიანობის მტკიცე მხარდაჭერა.