Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საგარეო საქმეთა სამინისტროში გაიმართა საგარეო საქმეთა მინისტრის მიხეილ ჯანელიძის შეხვედრა დიასპორული სტაჟირების პროგრამაში მონაწილე სტუდენტებთან.
შეხვედრაზე მიხეილ ჯანელიძემ ახალგაზრდებს გააცნო საქართველოს საგარეო პოლიტიკის ძირითადი მიმართულებები, პრიორიტეტები და ამოცანები. შეხვედრა გაგრძელდა კითხვა-პასუხის რეჟიმში. მონაწილეებს მიეცათ შესაძლებლობა საქართველოს საგარეო საქმეთა მინისტრისთვის დაესვათ მათთვის საინტერესო კითხვები.
დიასპორული სტაჟირების პროგრამას დიასპორის საკითხებში საქართველოს სახელმწიფო მინისტრის აპარატი საერთაშორისო არასამთავრობო ორგანიზაციასთან „ქართველ სტუდენტთა მსოფლიო გაერთიანებასთან“ ერთად უკვე მეოთხე წელია ახორციელებს. პროგრამის ფარგლებში მონაწილე სტუდენტები სტაჟირებას გადიან სახელმწიფო უწყებებსა და კერძო სექტორში.