Доступно только по Грузински For the sake of viewer convenience, the content is shown below in the alternative language. You may click the link to switch the active language.
სახელმწიფო რწმუნებულის მოადგილე ნინო ვიბლიანი და ზუგდიდის ახლად არჩეული მერი გეგა შენგელია წითელი ჯვრის საერთაშორისო კომიტეტის და ახალგაზრდა ფსიქოლოგთა ასოციაცია „ქსენონი“-ს წარმომადგენლებს შეხვდნენ. შეხვედრის მიზანია, სამომავლო თანამშრომლობის შესაძლებლობების განხილვა, ადგილობრივ თვითმმართველობასა და უგზო-უკვლოდ დაკარგულთა ოჯახებთან მომუშავე ორგანიზაციებს შორის. 90-იანი წლების მოვლენების და 2008 წლის შეიარაღებული კონფლიქტების შედეგად, საქართველოში 2000 მეტი ადამიანი ითვლება უგზო–უკვლოდ დაკარგულად. სამეგრელო – ზემო სვანეთის რეგიონში ოჯახების რაოდენობა, რომელთაც ჰყავთ საომარი მოქმედებების დროს გაუჩინარებული ოჯახის წევრი, 400-ს აღემატება. სამეგრელო – ზემო სვანეთის რეგიონში, 2010 წლიდან, წითელი ჯვრის საერთაშორისო კომიტეტი და ახალგაზრდა ფსიქოლოგთა ასოციაცია „ქსენონი“ მუშაობენ აღნიშნულ ოჯახებთან, მათი თანადგომისა და გაძლიერების მიზნით; ხოლო 2014 წელს, წითელი ჯვრის საერთაშორისო კომიტეტის პროგრამის ფარგლებში ჩამოყალიბდა უგზო-უკვლოდ დაკარგულთა ოჯახების კომიტეტი.