Доступно только по Грузински For the sake of viewer convenience, the content is shown below in the alternative language. You may click the link to switch the active language.
სწრაფმავალი გზები ორნახევარჯერ მეტი კეთდება, ვიდრე კეთდებოდა და 14%-ით უფრო იაფად იგება, – ამის შესახებ ბიძინა ივანიშვილმა დღეს მედიასთან შეხვედრაზე განაცხადა.
როგორც მან აღნიშნა, მშენებლობის ტემპები გაცილებით დიდია – თბილისში 70%-ით მეტია, ბათუმში – 76%-ით, ზოგადად საქართველოში კი 56%-ით.
”უნდა ნახოთ იუსტიციის სამინისტროს მიერ დახარჯული თანხები ერთ კვადრატულ მეტრზე, რამდენად იაფად და ხარისხიანად შენდება. აქვე გავიხსენებდი სწრაფმავალ გზებს, რომელიც ორ ნახევარჯერ მეტი კეთდება, ვიდრე კეთდებოდა და 14%-ით უფრო იაფად იგება. ეს 14% 4 წლის განმავლობაში დაახლოებით, 140 მილიონ ლარს შეადგენს. დაახლოებით, მილიარდი დაიხარჯა ამ სწრაფმავალი გზების მშენებლობაზე”, – განაცხადა ივანიშვილმა.
მისივე თქმით, 700-ზე მეტი საწამო გარემონტდა, ამოქმედდა და ახალი აშენდა, მათ შორის, 129 საწარმო ”სტარტაპით” აშენდა და 55 000 სამუშაო ადგილი გაჩნდა.