Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს პარლამენტის თავმჯდომარე ვიზიტით ქუვეითის სახელმწიფოში იმყოფება, სადაც შეხვედრა ქვეყნის ყოფილ პრემიერ-მინისტრთან, მის აღმატებულება შეიხ ნასსერ ალ მუჰამედ ალ აჰმად ალ საბაჰთან გამართა.
შეიხ ნასსერ ალ მუჰამედ ალ აჰმად ალ საბაჰმა საქართველოში ვიზიტი გაიხსენა. მისი თქმით, ის თვალყურს ადევნებს საქართველოში მიმდინარე მოვლენებს და ჩვენი ქვეყნის გულშემატკივარია. ნასსერ ალ მუჰამედ ალ აჰმად ალ საბაჰის შეფასებით, ჩვენს ქვეყნებს შორის როგორც ეკონომიკური, ასევე კულტურული მიმართულებით ურთიერთობის უფრო აქტიურ ეტაპზე გადასასვლელად, დიდი პოტენციალი არსებობს. როგორც მხარეებმა აღნიშნეს, საქართველოს ეკონომიკა წარმატებულად ვითარდება.
დავით უსუფაშვილმა შეიხ ნასსერ ალ მუჰამედ ალ აჰმად ალ საბაჰს საქართველოსა და ქუვეითის სახელმწიფოს შორის ურთიერთობის განვითარებაში შეტანილი წვლილისთვის მადლობა გადაუხადა. მისი თქმით, ეს ურთიერთობა როგორც საპარლამენტო, ასევე სამთავრობო დონეზე საქართველოსთვის მნიშვნელოვანია.
მხარეებმა საქართველოსა და რეგიონში მიმდინარე მოვლენებსა და არსებულ გამოწვევებზეც ისაუბრეს.