Доступно только по Грузински For the sake of viewer convenience, the content is shown below in the alternative language. You may click the link to switch the active language.
პარლამენტის ბიუროს დღევანდელ სხდომაზე რიგგარეშე სხდომის დღის წესრიგზე იმსჯელეს. საქართველოს პარლამენტის თავმჯდომარის, ირაკლი კობახიძის განცხადებით, რიგგარეშე სხდომა ხვალ, 20 ივნისს გაიმართება.
„გამოცემულია საქართველოს პრეზიდენტის აქტი – განკარგულება 2018 წლის 19 ივნისს საქართველოს პარლამენტის რიგგარეშე სხდომის მოწვევის შესახებ საქართველოს პარლამენტის მოთხოვნის შესაბამისად. სხდომა ხვალ, 20 ივნისს 12:00 საათზე დაიწყება“, – განაცხადა ირაკლი კობახიძემ.
მისივე თქმით, განსახილველ და კენჭსაყრელ საკითხს წარმოადგენს საქართველოს მთავრობის შემადგენლობისა და სამთავრობო პროგრამისთვის – „თავისუფლება, სწრაფი განვითარება, კეთილდღეობა“ ნდობის გამოცხადება.
„მთავრობისთვის ნდობის გამოცხადების საკითხი პირველი მოსმენისთვის დადგენილი წესით განიხილება. ეს იმას ნიშნავს, რომ პარლამენტის წინაშე მოხსენებით წარსდგება პრემიერ-მინისტრობის კანდიდატი. შემდეგ გადავალთ კითხვა-პასუხის რეჟიმზე, შემდეგ იქნება უკვე შესაბამისი გამოსვლები, როგორც არის გათვალისწინებული- კომიტეტები, ფრაქციები, უმცირესობა, უმრავლესობა და დასკვნითი სიტყვა“, – განაცხადა ირაკლი კობახიძემ.