Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
პარლამენტმა „სახელმწიფო ბაჟის შესახებ“ კანონში ცვლილება პირველი მოსმენით, 80 ხმით მიიღო. განათლების, მეცნიერებისა და ახალგაზრდობის მინისტრის მოადგილის ნოდარ პაპუკაშვილის განცხადებით, კანონის იმ ნორმიდან, რომელიც განსაზღვრავს, თუ რა შემთხვევებში მოხდება სახელმწიფო ბაჟის გადახდა, ამოღებულია შემდეგი მომსახურებები: საქართველოს განათლების, მეცნიერებისა და ახალგაზრდობის სამინისტროსა და მის სისტემაში შემავალი ორგანოების მიერ გაცემული დოკუმენტების, აგრეთვე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტების აპოსტილით დამოწმება; განათლების, მეცნიერებისა და ახალგაზრდობის სამინისტროსა და მის სისტემაში შემავალი ორგანოების მიერ გაცემული დოკუმენტების, აგრეთვე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტების ლეგალიზაცია. გარდა ამისა, კანონიდან ხდება იმ ნორმების ამოღება, რომლებიც განსაზღვრავენ სახელმწიფო ბაჟის ოდენობას საქართველოს ტერიტორიაზე გაცემული ოფიციალური დოკუმენტების აპოსტილით დამოწმებისათვის და საქართველოში შედგენილი დოკუმენტის ლეგალიზაციისათვის.