Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პრემიერ-მინისტრ გიორგი კვირიკაშვილის მოწვევით, პირველი დემოკრატიული რესპუბლიკის 100 წლის იუბილესთან დაკავშირებით, თბილისში ევროკომისიის პრეზიდენტი ჟან-კლოდ იუნკერი იმყოფება.
საქართველოს მთავრობის მეთაურმა სტუმარს, თანმხლებ დელეგაციასთან ერთად, ოფიციალურ ვახშამზე უმასპინძლა.
ევროკომისიის პრეზიდენტმა საქართველოს საიუბილეო თარიღი მიულოცა და ხაზი გაუსვა ქვეყნის მიერ სხვადასხვა მიმართულებით მიღწეულ პროგრესს.
პრემიერ-მინისტრმა კვირიკაშვილმა ევროკომისიის პრეზიდენტს ვიზიტისთვის მადლობა გადაუხადა და აღნიშნა, რომ საქართველოს მთავრობა ქვეყნის დასავლური კურსის ერთგული რჩება.