საერთაშორისო სავალუტო ფონდის მიერ შეფასებული 32 კატეგორიიდან დაახლოებით 20-ში საქართველოს კარგი ან საუკეთესო პრაქტიკა აქვს

27/09/2017

“საერთაშორისო სავალუტო ფონდის მიერ შეფასებული 32 კატეგორიიდან დაახლოებით 20-ში საქართველოს კარგი ან საუკეთესო პრაქტიკა აქვს” – ფინანსთა მინისტრის მოადგილე, ნიკოლოზ გაგუა.
სესიაზე „საქართველოს ფისკალური გამჭვირვალობის შეფასება“ პრეზენტაციები გააკეთეს ფინანსთა მინისტრმა ნიკოლოზ გაგუამ და საერთაშორისო სავალუტო ფონდის წარმომადგენელმა ტორბენ ჰანსენმა.
სესიას საქართველოს ფისკალური გამჭვირვალობის შეფასების შესახებ დაესწრო საერთაშორისო სავალუტო ფონდის მისიის ხელმძღვანელი მერსედეს ვერა მარტინი, რომელიც საქართველოში იმყოფება.
„ფისკალური გამჭვირვალობის მიმართულებით ჩვენ ბევრი რეფორმა განვახორციელეთ და ბევრ რეპუტაციულ რეიტინგებში საკმაოდ მაღალ ადგილზე ვართ. მაგალითად, ღია ბიუჯეტის ინდექსში საქართველო არის მსოფლიოში მე-16 ადგილზე, რაც საკმაოდ მაღალი შედეგია. რაც შეეხება სავალუტო ფონდის შეფასებას, ეს იყო ერთ-ერთი ღრმა და შინაარსობრივი შეფასება. ბევრი და მნიშვნელოვანი ფაქტორი დაფიქსირდა. თუმცა არის ღონისძიებები, რომელთა განსახორციელებლადაც ჩვენ გვაქვს 4-წლიანი სამუშაო გეგმა. 2020 წლის ჩათვლით ისინიც უნდა გატარდეს. ჩვენი ამოცანაა, კიდევ უფრო წინ წავიწიოთ, რათა საქართველო იყოს ლიდერი არა მხოლოდ ფისკალური გამჭვირვალობის მიმართულებით,“ – ფინანსთა მინისტრის მოადგილე ნიკოლოზ გაგუა.

Tweet about this on TwitterShare on Facebook0