თბილისის მუნიციპალიტეტის საკრებულოში იურიდიულ საკითხთა კომისიის სხდომა გაიმართა, რომელსაც კომისიის თავმჯდომარე თევდორე კობახიძე ხელმძღვანელობდა.
კომისიის გადაწყვეტილებით, „ქალაქ თბილისის მუნიციპალიტეტის საკრებულოს რეგლამენტის დამტკიცების შესახებ ქ. თბილისის მუნიციპალიტეტის საკრებულოს 2014 წლის 19 ივლისის N2-1 დადგენილებაში ცვლილების შეტანის თაობაზე“ ქალაქ თბილისის მუნიციპალიტეტის საკრებულოს დადგენილების პროექტის განხილვა კომისიის შემდგომი სხდომისთვის გადაიდო.
დღესვე დადებითი რეკომენდაცია მიეცა რამდენიმე უძრავ ქონებაზე პირდაპირი განკარგვის წესით სარგებლობის უფლებით, იჯარის ფორმით გადაცემის საკითხებსაც.
კომისიის სხდომას ქონების მართვის სააგენტოს უფროსი კარლო ლაფერაძე და ქალაქ თბილისის მუნიციპალიტეტის საკრებულოს წევრი მარიკა დათუკიშვილი ესწრებოდნენ.
0