Доступно только по Грузински For the sake of viewer convenience, the content is shown below in the alternative language. You may click the link to switch the active language.
პარლამენტის დღევანდელმა პლენარულმა სხდომამ მუშაობა „სასოფლო-სამეურნეო დანიშნულების მიწის საკუთრების შესახებ“ საქართველოს კანონში ცვლილების შეტანის თაობაზე“ კანონპროექტის პირველი მოსმენით განხილვით გააგრძელა.
პარლამენტის წევრების დავით მათიკაშვილის, ანრი ოხანაშვილის, გურამ მაჭარაშვილის, ეკა ბესელიას, ივლიანე წულაიასა და ვანო ზარდიაშვილის საკანონმდებლო ინიციატივაზე მსჯელობა პარლამენტმა მართალია წინა დღის პლენარულ სხდომაზე დაიწყო, თუმცა პლენარული სხდომისთვის განკუთვნილი დროის ამოწურვის გამო, პროცესის გაგრძელება დღეისთვის გადაიდო.
საკითხზე მომხსენებელმა, პარლამენტის წევრმა ანრი ოხანაშვილმა დეპუტატებს კიდევ ერთხელ შეახსენა წარმოდგენილი კანონპროექტის არსი და განაცხადა, რომ ამ კანონპროექტით ნარჩუნდება ის პრინციპი, რომ მიწა არის განსაკუთრებული რესურსი და მისი მესაკუთრე უნდა იყოს საქართველოს მოქალაქე. კანონპროექტის მიღება ხდება იმის გამო, რომ რომ არ შეიქმნას სამართლებრივი ვაკუუმი, და საკუთრების კონსტიტუციური უფლება იყოს დაცული. კანონპროექტი მიიღება გარდამავალი ეტაპისთვის, სანამ არ იქნება მიღებული ორგანული კანონი, რომელიც დაარეგულირებს მიწის საკითხს.