Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პრეზიდენტი სალომე ზურაბიშვილი მოძრაობას “კულტურული მემკვიდრეობა ევროპის მომავლისათვის” შეუერთდა და ხელი მოაწერა დოკუმენტს “ბერლინი მოგიწოდებთ მოქმედებისაკენ”. საქართველოს პრეზიდენტს დოკუმენტის ხელმოწერის რეკომენდაცია და დოკუმენტი ორგანიზაცია “ევროპა ნოსტრა” EUROPA NOSTRA გენერალურმა მდივანმა სნეშკა მიხაილოვიჩმა წარუდგინა. დოკუმენტი ითვალისწინებს კულტურული მემკვიდრეობის როლის გაზრდის ხელშეწყობას, როგორც ქვეყნის პოლიტიკურ ცხოვრებაში, ასევე, ჩვენს ყოველდღიურობაში, რათა კულტურა გახდეს ყოველდღიურობის ნაწილი და ჩვენი მომავლის განმსაზღვრელი.
დოკუმენტის ხელმომწერები იღებენ პასუხისმგებლობას გამოიყენონ მოცემული შესაძლებლობა და საერთო კულტურული მემკვიდრეობის პოტენციალი, რათა ევროპა გახდეს უფრო მშვიდობიანი, წარმატებული და ინკლუზიური.
“ბევრი გამოწვევისა და საფრთხიდან გამომდინარე, რომელიც ემუქრება ევროპულ ღირებულებებს, საუბარი არ შეიძლება მხოლოდ პოლიტიკურ, ეკონომიკურ და უსაფრთხოების საკითხებზე. თავისი ადგილი უნდა მივუჩინოთ საერთო კულტურულ მემკვიდრეობას ევროპის პოლიტიკისა და პრიორიტეტების შუაგულში“, – აღნიშნულია დოკუმენტში.