საქართველოს პრეზიდენტმა აზერბაიჯანში სამუშაო ვიზიტი შეაჯამა

Доступно только по Грузински For the sake of viewer convenience, the content is shown below in the alternative language. You may click the link to switch the active language.

ჩვენ მოგვეცა საშუალება გვესაუბრა უსაფრთხოების კონტექსტში იმ პროექტებზე, რომლებსაც საქართველო და აზერბაიჯანი ახორციელებს, – ამის შესახებ გიორგი მარგველაშვილმა განაცხადა. როგორც პრეზიდენტმა აღნიშნა, მნიშვნელოვანი იყო აზერბაიჯანთან თანამშრომლობაზე საუბარი.

“უაღრესად მნიშვნელოვანია, რომ მოგვეცა საშუალება ჩვენს უმნიშვნელოვანეს პარტნიორთან, აზერბაიჯანთან, ჩვენ მეგობარ ილჰამ ალიევთან გვესაუბრა იმ უმნიშვნელოვანეს თანამშრომლობაზე, რაც საქართველოსა და აზერბაიჯანს შორის ხორციელდება.
ასევე, მოგვეცა შესაძლებლობა გაგვეკეთებინა აქცენტი კავკასიის სტაბილურობაზე, სწორედ იმ დაძაბულობის ზრდის ფონზე, რომელიც სამწუხაროდ, ბოლო პერიოდში ჩვენს რეგიონში შეიმჩნევა”, – აღნიშნა პრეზიდენტმა.