საქართველოში ჩვენს ბიზნესს წლიდან წლამდე ვზრდით

ვიმედოვნებთ, „აჭარა ტექსტილის“ ახალი საწარმოს გახსნით უფრო მეტი შესაძლებლობა მოგვეცემა, კიდევ უფრო მეტი გავაკეთოთ საქართველოში, – ამის შესახებ ფოთში, „აჭარა ტექსტილის“ ახალი საწარმოს გახსნაზე მყოფმა Nike Ema-ს რეგიონალურმა დირექტორმა კანერ სოიტასმა განაცხადა.
მისი თქმით, უკვე ხუთ წელზე მეტია Nike Ema საქართველოში მუშაობს და წლიდან წლამდე ზრდის ბიზნესს.
„ ბედნიერი ვარ, რომ დღეს აქ ვართ. ჩვენ უკვე ხუთი წელზე მეტია ვმუშაობთ საქართველოში. თავდაპირველად, ჩვენ მცირე წარმოებით დავიწყეთ, თუმცა წლიდან წლამდე ვზრდით ჩვენს ბიზნესს „აჭარა ტექსტილთან“ ერთად. კიდევ ერთხელ დიდი მადლობა „აჭარა ტექსტილს“ და საქართველოს მთავრობას მხარდაჭერისთვის და იმედს გამოვთქვამთ, რომ ახალი საწარმოს გახსნით უფრო მეტი შესაძლებლობა მოგვეცემა, კიდევ უფრო მეტი გავაკეთოთ თქვენს ქვეყანაში“, – განაცხა კანერ სოიტასმა.