Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქალაქ ბოლნისის ისტორიული უბანი მრავალფეროვანმა ღონისძიებებმა მოიცვა- სახალხო დღესასწაული ,,ბოლნისქალაქობა 2018“ უკვე დაიწყო. ბოლნისის ისტორიულ უბანში წარმოდგენილია ქართული ხალხური სიმღერისა და საკრავების სახელმწიფო მუზეუმის ექსპონატთა გამოფენა, ბოლნისის მუნიციპალიტეტისა და ქვემო ქართლის მუნიციპალიტეტების ეთნოგრაფიული კუთხეები; სხვადასხვა სახეობის ქართული ღვინისა, სოფლის მეურნეობის პროდუქციისა და ქართული ნუგბარის დეგუსტაცია-გამოფენა-გაყიდვა; ბოლნისის მუნიციპალური თეატრის წარმოდგენა; ზ. ხუჯაძის სახელობის ბოლნისის მუნიციპალიტეტის სამუსიკო სკოლის ღია სივრცე; ბოლნისის კულტურის სახლთან არსებული შემოქმედებითი კოლექტივების ნამუშევართა გამოფენა და მცირე კონცერტები; ქუჩის თეატრის კოსტიუმირებული თეატრალური წარმოდგენა-კარნავალი; საბავშვო ატრაქციონები და სხვადასხვა ღონისძიებები. სპორტი – ჭიდაობა, მკლავჭიდი, ჭადრაკი, კარატე. აქტივობები პარალელურ რეჟიმში მიმდინარეობს. ღონსიძიებები საღამოს 10 საათამდე გაგრძელდება.
“ბოლნისქალაქობაზე“ მოსულ სტუმრებს წინ ფოლკლორული მუსიკის ფესტივალი, საპატიო ბოლნისელების არჩევის ცერემონიალი, საწნახელში ყურძნის საზეიმო დაწურვა და “სუხიშვილების“ კონცერტი ელოდებათ.