Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) ევროპის რეკონსტრუქციისა და განვითარების ბანკის (EBRD) დაფინანსებით ახალი პროექტი იწყება.
12 თვის განმავლობაში პროექტის ფარგლებში გერმანული კომპანია „DNV GL – KEMA Consulting GmbH“-ის ექსპერტები, კომისიის წარმომადგენლებთან ერთად, ელექტროენერგეტიკისა და ბუნებრივი გაზის სექტორებში ქსელური დანაკარგების გაანგარიშების მეთოდოლოგიების, მიწოდების საიმედოობის სტანდარტების, ელექტროენერგეტიკის სექტორში ერთიანი საბუღალტრო-სააღრიცხვო სისტემისა და ბუნებრივი გაზის სექტორში არსებული სალიცენზიო წესების ევროპის საუკეთესო პრაქტიკასთან შესაბამისობაში მოყვანაზე იმუშავებენ.
პროექტის გახსნა 19 აპრილს, სემეკ-ის ოფისში გაიმართება და მას ელექტროენერგეტიკისა და ბუნებრივი გაზის სექტორებში მოქმედი კომპანიების წარმომადგენლები და დარგის ექსპერტები დაესწრებიან.