სოზარ სუბარი და მინისტრის პირველი მოადგილე გრიგოლ გიორგაძე საქართველოში უკრაინის საგანგებო და სრულუფლებიან ელჩს იგორ დოლგოვს შეხვდნენ.გაცნობითი ხასიათის შეხვედრაზე სოზარ სუბარმა უკრაინის ელჩს დევნილებთან მიმართებაში ქართული გამოცდილება გაუზიარა. მინისტრმა დევნილებთან დაკავშირებულ კანონმდებლობაზე და იმ პროექტებზე ისაუბრა, რომელსაც სამინისტრო გრძელვადიანი განსახლების მიმართულებით ახორციელებს. სოზარ სუბარის განცხადებით, საქართველო გამონაკლისი ქვეყანაა, რომელიც დევნილებს საცხოვრებელ ფართებს საკუთრებაში გადასცემს.
შეხვედრის დასასრულს, მხარეები მომავალში გამოცდილების გაზიარებასა და მჭიდრო თანამშრომლობაზე შეთანხმდნენ.
სოზარ სუბარი საქართველოში უკრაინის ელჩს შეხვდა
10/03/2017