Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დუშეთის მუნიციპალიტეტში, სოფელ არაგვისპირში სასმელი წყლის ქსელის რეაბილიტაცია მიმდინარეობს. პროექტის ფარგლებში ეწყობა რეზერვუარები, წყალმომარაგების გამანაწილებელი ქსელი, ცენტრალური მაგისტრალი და სხვა. მიმდინარე სარეაბილიტაციო სამუშაოებს მცხეთა-მთიანეთის სახელმწიფო რწმუნებული დავით ნოზაძე დუშეთის მუნიციპალიტეტის მერის პირველ მოადგილე ბესიკ ბიჩნიგაურთან ერთად გაეცნო.
“ამ ეტაპზე ადგილზე მიმდინარეობს წყლის 2 ავზის მშენებლობა, ქსელის მოწყობა. ასევე, უნდა მოეწყოს საქლორატორო სისტემა და წყლის მიმღები სათავე ნაგებობები. მნიშვნელოვანია, რომ პროექტის დასრულების შემდეგ სოფელ არაგვისპირში მუდმივად მცხოვრები 500-მდე ოჯახი სუფთა, სასმელად ვარგის წყალს მიიღებს. მოგეხსენებათ, რომ ჩვენი რეგიონისთვის ერთ-ერთი გამოწვევა სწორედ მოსახლეობის სასმელი წყლით უზრუნველყოფაა. შესაბამისად, ჩვენთვის აღნიშნული საკითხის მოგვარება მთავარ პრიორიტეტს წარმოადგენს.”- განაცხადა მცხეთა-მთიანეთის სახელმწიფო რწმუნებულმა დავით ნოზაძემ.
ცნობისათვის, სოფელ არაგვისპირში სასმელი წყლის ქსელთან დაკავშირებით მიმდინარე პროექტის სახელშეკრულებო ღირებულება 3 მილიონ ლარს აღემატება, სამუშაოებს კი შპს “ნდს მშენებლობა” ახორციელებს.