Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დაიწყო სოფელ ასკანის შიდა გზების რეაბილიტაცია. სოფლის მხარდაჭერის პროგრამის ფარგლებში ნაცვალაძეების უბანსა და მზიანში – წყალწითელას აღმართზე რკინა-ბეტონის გზები მოეწყობა. მიმდინარეობს მოსამზადებელი სამუშაოები. ოზურგეთის მუნიციპალიტეტის დაფინანსებით უახლოეს დღეებში დაიწყება ასკანის შიდა უბნების მოხრეშვა-დაგრეიდერებაც. პროექტის ფარგლებში ადგილობრივი მუშახელი დასაქმდება.
რაც შეხება, ასკანის ცენტრალურ გზას, 7 კილომეტრიანი საგზაო მონაკვეთის რეაბილიტაცია უახლოეს პერიოდში დაიწყება. პროექტი მოიცავს, როგორც გზის რეაბილიტაციას, ასევე, წყალამრიდების მოწყობას, ეზოებში გადასასვლელებისა და ხიდების აღდგენას. სამუშაოების სავარაუდო ღირებულება 4 200 000 ლარს შეადგენს.
ასკანის გზის პროექტი მუნიციპალური განვითარების ფონდის მხარდაჭერით განხორციელდება. წყალმომარაგების სისტემის მოწყობის შემდეგ, 7 კილომეტრიანი გზის რეაბილიტაცია იქნება მეორე მასშტაბური პროექტი, რომელიც ასკანის ტერიტორიულ ერთეულში დაიწყება.
ასკანის გზის სამშენებლო სამუშაოების პირველი ეტაპი 7 თვეს მოიცავს.