სოფელ მოხეში ახალი საბავშვო ბაღი გაიხსნა

ადიგენის მუნიციპალიტეტის სოფელ მოხეში ახალი საბავშვო ბაღი გაიხსნა, რომელიც 100-ზე მეტ აღსაზრდელზეა გათვლილი.
საბავშვო ბაღი იაპონიის მთავრობის მიერ დაფინანსებული „ადამიანის უსაფრთხოების ადგილობრივი საგრანტო პროგრამის“ ფარგლებში აშენდა. პროექტის საგრანტო ხელშეკრულებას იაპონიის საელჩოსა და „world vision-საქართველოს“ შორის 2018 წლის 4 მარტს მოეწერა ხელი. პროექტის ბიუჯეტი 66,395 აშშ დოლარს შეადგენს. ღონისძიებას იაპონიის ელჩი საქართველოში – მისი აღმატებულება ტადაჰარუ უეჰარა, სამცხე-ჯავახეთის სახელმწიფო რწმუნებული ბესიკ ამირანაშვილი, ახალციხისა და ადიგენის მაჟორიტარი დეპუტატი გიორგი კოპაძე, ადიგენის მუნიციპალიტეტის მერი ზაქარია ენდელაძე, სამხარეო ადმინისტრაციის და ადგილობრი თვითმმართველობის წარმომადგენლები დაესწრნენ.