სოფელ ტყვიავში თანამედროვე სკოლა ამოქმედდება

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

მილენიუმის პროგრამის ფარგლებში, გორის მუნიციპალიტეტის სოფელ ტყვიავის საჯარო სკოლაში სრული რეაბილიტაცია განხორციელდა. სკოლაში შესაძლებელია განთავსდეს 506 მოსწავლე. მოეწყო ორი მრავალფუნქციური საბუნებისმეტყველო ლაბორატორია, მუსიკის ოთახი, კომპიუტერული ოთახი, ბიბლიოთეკა, სააქტო დარბაზი, სპორტული დარბაზი, სველი წერტილები განთავსდა შენობაში, სკოლა ადაპტირებულია სსსმ მოსწავლეებისთვის. აქამდე ტვიავის სკოლას არ ჰქონდა წყალი და იყენებდნენ წინასწარ ავსებულ რეზერვუარს, საგანმანათლებლო და სამეცნიერო ინფრასტრუქტურის განვითარების სააგენტოს დაფინანსებით კი, მოეწყო ჭაბურღილი და სკოლას უწყვეტად აქვს საკუთარი წყალი. სააგენტოს მიერ ასევე შეიღობა სკოლის ეზო, სკოლა მთლიანად აღიჭურვა ახალი სასკოლო ავეჯით, მოეწყო ექიმის კაბინეტი.
სარემონტო სამუშაოების ჩატარებამდე სკოლაში 377 მოსწავლე სწავლობდა. ამჟამად მათი რაოდენობა 390 – ია. გაიზარდა მოსწავლეთა და მშობელთა დაინტერესება სკოლის ცხოვრებით, გაიზარდა მასწავლებელთა მოტივაციაც.