Доступно только по Грузински For the sake of viewer convenience, the content is shown below in the alternative language. You may click the link to switch the active language.
ადიგენის მუნიციპალიტეტის სოფელ უდეში, კულტურის სახლის განახლებული დარბაზი საზეიმოდ გაიხსნა. ღონისძიების ფარგლებში ადგილობრივი შემსრულებლების კონცერტი გაიმართა. უდეს მოსახლეობას განახლებული დარბაზის გახსნა სახელმწიფო რწმუნებულის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსმა იოსებ ალიბეგაშვილმა და ადიგენის მუნიციპალიტეტის მერმა გოჩა ქიმაძემ მიულოცეს, სამომავლო გეგმები გააცნეს და მათი საჭიროებები მოისმინეს. ღონისძიებას სახელმწიფო რწმუნებულის ადმინისტრაციისა და ადგილობრივი თვითმმართველობის წარმომადგენლები ესწრებოდნენ. ინფრასტრუქტურული სამუშაოები ადგილობრივი ბიუჯეტიდან გამოყოფილი თანხით დაფინანსდა.