Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
პარლამენტის საგარეო ურთიერთობათა კომიტეტის თავმჯდომარე სოფიო ქაცარავა დიდი ბრიტანეთის ელჩს საქართველოში, ჯასტინ მაკენზი სმიტს შეხვდა. სოფიო ქაცარავამ დიდი ბრიტანეთის ელჩს მადლობა გადაუხადა ლიდერების საერთაშორისო პროგრამაზე მისი წარდგენისთვის.
„მადლობას ვუხდი დიდი ბრიტანეთის ელჩს ამ პროგრამაზე ჩემი ნომინირებისთვის, რაც საშუალებას მაძლევს საერთაშორისო მაღალი დონის დიპლომატებთან და პოლიტიკოსებთან ერთად მივიღო მონაწილეობა ამ პროგრამაში. ეს შესანიშნავი შესაძლებლობაა საქართველოს პოპულარიზაციისა და ქვეყანაში მიმდინარე რეფორმების შესახებ მათი ინფორმირებისთვის“, – განაცხადა სოფიო ქაცარავამ.
საგარეო ურთიერთობათა კომიტეტის თავმჯდომარეს, ლონდონში ვიზიტის ფარგლებში, ასევე დაგეგმილი აქვს მაღალი დონის საპარლამენტო შეხვედრები და ღონისძიებები.