Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ტყიბულის მუნიციპალიტეტში აქტიურად მიმდინარეობს საგზაო ინფრასტრუქტურის განვითარება. მათ შორის, ქალაქის შიდა გზებზე ბეტონის საფარის დაგება, მრავალბინიან კორპუსებში არსებული ეზოების კეთილმოწყობა, სოფელების: მუხურის, საწირის, ძუყნურის, გურნის, ციხიის, ოჯოლის, კურსების, ნაბოსლევის, ორპირის, სოჩხეთისა და ცუცხვათის მიმართულებით შიდა გზების რეაბილიტაცია, აგრეთვე საწირე-ცუცხვათის დამაკავშირებელი გზის კეთილმოწყობა.
აღნიშნული სამუშაოებისათვის რეგიონებში განსახორციელებელი პროექტების ფონდიდან 1 865 487 ლარი გამოიყო.
1. ქალაქის შიდა გზების ბეტონის საფარით რეაბილიტაცია- გამოყოფილი თანხა 435 000 ლარი. პროექტით გათვალისწინებულია ქალაქის შემდეგი ქუჩების: თაბუკაშვილის (სპორტ.სასახლესთან მისასვლ.), მერკვილაძის მე-IV შესახვევი, სოლომონ II-ის I-ლი შესახვევი, ჯავახიშვილის, ცქიფურიშვილისა და მაწკეპლაძის საავტომობილო გზების დაზიანებული მონაკვეთის ბეტონის საფარით და გვერდულებით მოწყობა, სულ 2200 გრძ/მეტრი .ტენდერი აღნიშნულ სამუშაოებზე გამოცხადდა ა/წლის 21 მარტს. ხელშეკრულება 420 428 ლარის სამუშაოებზე გაფორმებულია შ.პ.ს. “ჯეო როუდ ინვესტი”-თან, პროექტით განსაზღვრული სამუშაოები დაწყებულია. სამუშაოების დასრულების ვადაა 2017 წლის 03 სექტემბერი.
2.მრავალბინიან კორპუსებში არსებული ეზოების რეაბილიტაცია – გამოყოფილი თანხა 350 000 ლარი.
პროექტით გათვალისწინებულია ქალაქის მრავალბინიანი კორპუსის შიდა ეზოების ბეტონის საფარით მოწყობა. პროექტის ფარგლებში განსაზღვრულია სულ 7 ეზოს მოწყობა: თაბუკაშვილის ქუჩა # 14-16 კორპუსები, თბილისის ქუჩა #4 და რუსთაველის ქუჩა #23 კორპუსები, ახობაძის ქუჩა #1-5 კორპუსები, თაბუკაშვილის ქუჩა #38-ის კორპუსი, გამსახურდიას ქუჩა #34-ის კორპუსი, გამსახურდიას ქუჩა #36-ის კორპუსი და გელათის ქუჩა (ქორეოგრაფიული სტუდიის მიმდებ.). ტენდერი აღნიშნულ სამუშაოებზე გამოცხადდა ა/წლის 22 მარტს. გამოვლენილია ტენდერში გამარჯვებული კომპანია შ.პ.ს. “ჯეო როუდ ინვესტი”, რომელთანაც გაფორმებულია ხელშეკრულება თანხით 325 407 ლარზე. დღეის მდგომარეობით მიმდინარეობს ხარჯთაღრიცხვით განსაზღვრული სამუშაოების შესრულება. სამუშაოების დასრულების ბოლო ვადაა მ/წლის 14 ოქტომბერი.
3.სოფელ საწირე, ძუყნური, საწირე-ცუცხვათის დამაკავშირებელი და ცუცხვათის შიდა გზის რეაბილიტაცია – გამოყოფილი თანხა 150 000ლარი.
პროექტით გათვალისწინებულია სოფელ საწირეში 658 გრძ/მეტრი, საწირე-ცუცხვათის დამაკავშირებელი 1380 გრძ/მეტრი, ძუყნურში 600 გრძ/მეტრი და ცუცხვათში 550 გრძ/მეტრი ბეტონის საფარიანი გზის და შესაბამისი გვერდულის მოწყობა.
ტენდერი აღნიშნულ სამუშაოებზე გამოცხადდა ა/წლის 21 მარტს. ხელშეკრულება 545 730 ლარის სამუშაოებზე გაფორმებულია შ.პ.ს. “ჯეო როუდ ინვესტი”-თან, პროექტით განსაზღვრული მოსამზადებელი სამუშაოები დაწყებულია. ხელშეკრულბით განსაზღვრული სამუშაოების დასრულების ვადაა 2017 წლის 13 სექტემბერი.
4. სოფელ გურნა, ციხია, ოჯოლა და სოჩხეთის შიდა გზის რეაბილიტაცია -გამოყოფილი თანხა 441 723 ლარი.
პროექტით გათვალისწინებულია სოფელ გურნაში 330 გრძ/მეტრი, ოჯოლაში 850 გრძ/მეტრი, ციხიაში 510 გრძ/მეტრი და სოჩხეთში 920 გრძ/მეტრი ბეტონის საფარიანი გზის და შესაბამისი გვერდულის მოწყობა.
ტენდერი აღნიშნულ სამუშაოებზე გამოცხადდა ა/წლის 21 მარტს. გამოვლენილია ტენდერში გამარჯვებული კომპანია შ.პ.ს. „გი-ან 2011“, რომელთანაც გაფორმებულია ხელშეკრულება თანხით 379 862 ლარზე. დღეის მდგომარეობით მიმდინარეობს ხარჯთაღრიცხვით განსაზღვრული სამუშაოების შესრულება. ხელშეკრულებით დადგენილი სამუშაოების შესრულების ბოლო ვადაა მ/წლის 30 სექტემბერი.
5. სოფელ კურსები, ნაბოსლევი, ორპირი და მუხურის შიდა გზის რეაბილიტაცია – გამოყოფილი თანხა 488 764 ლარი.
პროექტით გათვალისწინებულია სოფელ კურსებში 1077 გრძ/მეტრი, ნაბოსლევში 500 გრძ/მეტრი, ორპირში 370 გრძ/მეტრი და მუხურაში 375 გრძ/მეტრი ბეტონის საფარიანი გზის და შესაბამისი გვერდულის მოწყობა.
ტენდერი აღნიშნულ სამუშაოებზე გამოცხადდა ა/წლის 21 მარტს. ამ ეტაპზე მიმდინარეობს შერჩევა-შეფასების პროცედურები.
გარდა ამისა, საქართველოს მთავრობის 2017 წლის 6 ივლისის №1401 განკარგულებით, რეგიონებში განსახორციელებელი პროექტების ფონდიდან, ტყიბულის მუნიციპალიტეტს გამოეყო 906 074 ლარი ქალაქის შიდა გზებზე ბეტონის საფარის მოწყობისათვის.