Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გორის მუნიციპალიტეტის გამგეობისა და ტურიზმის ცენტრის ორგანიზებით, უფლისციხის ისტორიულ-არქიტექტურულ მუზეუმ-ნაკრძალში პირველი ტურისტული გამოფენა-ბაზრობა გაიმართა. გამოფენაში მუნიციპალიტეტის ტერიტორიაზე არსებული საოჯახო სასტუმროები, ღვინის მარნები, სოფლებში მცხოვრები ხალხური რეწვის ოსტატები, მხატვრები, ტურიზმის ცენტრის პროვაიდერი ორგანიზაციები და კომპანიები მონაწილეობდნენ. ღონისძიებას უფლისციხეში, ტურისტებთან ერთად, ადგილობრივი ხელისუფლების წარმომადგენლები, პოლონელი სტუმრები და ტურიზმის ეროვნული ადმინისტრაციის ხელმძღვანელი გიორგი ჩოგოვაძე ესწრებოდნენ. სტუმრებმა უფლისციხის ისტორიული ქალაქი დაათვალიერეს და ქართულ კულტურას გაეცნენ. ღონისძიება უფლისციხეში კულტურის ცენტრის ახალგაზრდების ფლეშ-მობით დასრულდა. ტურისტული გამოფენა-ბაზრობა ტრადიციულ ხასიათს მიიღებს და ყოველწლიურად ჩატარდება.