Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
უჩამბის ხეობაში სტიქიის შედეგად წაღებული ხიდის აღდგენა დაიწყო. შუახევის გამგგებლის ინფორმაციით მოსახლეობას დღის ბოლოსთვის დროებითი ხიდით სარგებლობა შეეძლება, საგზაო დეპარტამენტში აცხადებენ, რომ სოფელში კაპიტალური ხიდის ასაშენებლად თანხის გამოყოფის მოთხოვნით აჭარის მთავრობას უკვე მიმართეს.
სამუშაოებს აჭარის საგზაო დეპარტამენტი ასრულებს, ადგილზე 4 ერთეული მძიმე ტექნიკა მუშაობს. სამუშაოებში ჩართულია ასევე ,,შუახევჰესის” მშენებელი კომპანია ,,აგე ბათუმის” ტექნიკაც.
სტიქიის შედეგად მიყენებული ზარალი შუახევის მუნიციპალიტეტში ჯამში 107 ათას ლარს შეადგენს. ტარიელ ებრალიძის განცხადებით თანხის ნაწილი ადგილობრივი გამგეობის სარეზერვო ფონდიდან, ნაწილი კი აჭარის მთავრობის სარეზერვო ფონდიდან გამოიყოფა.