Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თბილისის მუნიციპალიტეტის საკრებულოს ფრაქციის ,,ნაციონალური მოძრაობა -თბილისი“ თავმჯდომარემ ირაკლი აბესაძემ და ამავე ფრაქციის წევრმა თემურ გრიგალაშვილმა ბრიფინგი გამართეს.
საკრებულოს დეპუტატები თბილისის მთავრობაში განხორციელებულ საკადრო ცვლილებებს გამოეხმაურნენ და დედაქალაქის მერიაში მიმდინარე მოვლენები შეაფასეს. ირაკლი აბესაძის თქმით, გამოცდილი და კვალიფიციური კადრების შერჩევის ნაცვლად მერიაში გრძელდება ,,ქართუ ჯგუფის“ თანამშრომლების დანიშვნა, რომლებიც არა თბილისელების პრობლემების მოგვარებას, არამედ კონკრეტული პროექტების, მათ შორის ,,პანორამა თბილისის“, კრწანისი-შინდისის გზისა და პუშკინის ესტაკადის განხორციელებას უწყობენ ხელს.
თბილისის მერიაში მიმდინარე საკადრო ცვლილებები უარყოფითად შეაფასა თემურ გრიგალაშვილმა. დეპუტატმა 2016 წლის ბიუჯეტის თაობაზეც ისაუბრა და თანხების არამიზნობრივად ხარჯვის თავიდან აცილების მიზნით, შესაბამისი სტრუქტურების მხრიდან მონიტორინგის განხორციელება მოითხოვა.