Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ფსიქიკური ჯანმრთელობის სტრატეგიასა და სტაციონარულ მომსახურებაში არსებული პრობლემების გადაჭრაზე სპეციალური ჯგუფი მუშაობს. ჯანდაცვის სამინისტროში, სამუშაო ჯგუფის უკვე რიგით მეორე შეხვედრა შედგა. შეხვედრაზე კრიზისის დაძლევის გეგმა შეიმუშავეს, სამუშაო ჯგუფის შემადგენლობა, ფუნქცია-მოვალეობები და პასუხისმგებლობები განსაზღვრეს. ფორმატის ფარგლებში, სამუშაო ჯგუფი სურამის ფსიქიატრიულ დაწესებულებასთან დაკავშირებით მონიტორთა მიერ მომზადებულ ტექნიკურ დასკვნას განიხილავს, რის საფუძველზეც ფსიქიკური განვითარების საბჭოსთვის წარსადგენად სპეციალურ გეგმას შეიმუშავებს. სამინისტროს ინიციატივით შექმნილი სამუშაო ჯგუფის შემადგენლობაში ჯანდაცვის უწყების, სახალხო დამცველის აპარატის, არასამთავრობო ორგანიზაციის წარმომადგენლები და დარგის ექსპერტები შედიან.