Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს მელიორაციის შიდა ქართლისა და სამცხე–ჯავახეთის რეგიონის დირექტორი, მალხაზ ახალბედაშვილი ადგილობრივი სერვის ცენტრის უფროსთან ერთად ქარელის მუნიციპალიტეტის სოფელ ურბნისის მაცხოვრებლებს შეხვდა. ადგილობრივი ხელისუფლების წარმომადგენლებთან ერთად შეხვედრას გუბერნატორის მოადგილე, ამირან შავშიშვილი და ქარელის გამგებლის მოვალეობის შემსრულებელი, ნუგზარ დაბრუნდაშვილი ესწრებოდნენ. შეხვედრა საინფორმაციო ხასიათის იყო. მალხაზ ახალბედაშვილის თქმით, მომავალი სარწყავი პერიოდისთვის იგეგმება დამატებითი სატუმბის შეძენა–დამონტაჟება, რაც თავის მხრივ წყალუზრუნველყოფას გააუმჯობესებს. გარდა ამისა, ადგილობრივებს გააცნეს ინფორმაცია ახალი პროგრამის, სარწყავი წვეთოვანი სისტემით უზრუნველყოფის შესახებ. ადგილობრივები განმარტავენ, რომ დაგეგმილი პროექტების განხორციელება ხელს შეუწყობს სოფლის მეურნეობის პროდუქციის მოსავლიანობის გაზრდას.