Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქედის გამგეობის პროგრამის ,,მეწყერსაწინააღმდეგო ღონისძიებების” ფარგლებში, პრევენციული სამუშაოები მუნიციპალიტეტის ყველა ადმინისტრაციულ ერთეულში აქტიურად მიმდინარეობს. ,,ქედის მუნიციპალიტეტში შენობა-ნაგებობებზე განხორციელებული სამშენებლო-სარემონტო სამუშაოების” ინსპექტირების ჯგუფი და მიმღები კომისია დღეს ოქტომბრის ადმინისტრაციულ ერთეულში შესრულბულ სამუშაოებს ადგილზე გაეცნო. გამგეობის სპეციალურმა კომისიამ სოფელ კუჭულაში რაულ ბოლქვაძის საცხოვრებელ სახლთან მოწყობილი გაბიონი – ბიუჯეტი 5 530 ლარი, ასევე სოფელ კუჭულაში ჯემალ ბოლქვაძის საცხოვრებელი სახლის საძირკვლის გამაგრებითი სამუშაოები – ბიუჯეტი 7695 ლარი და სოფელ მეძიბნაში 4 ოჯახთან დამაკავშირებელი საავტომობილო გზის კიდის გამაგრებისთვის მოწყობილი გაბიონი – ბიუჯეტი 9103 ლარი, შესრულებულ სამუშაოდ მიიღო. სამუშაოებს ტენდერში გამარჯვებული ფირმა ,,ფელიქსი” აწარმოებდა.
,,მეწყერსაწინააღმდეგო ღონისძიებების” პროგრამა ქედის გამგეობის ერთ-ერთ შედეგიან ინიციატივად ითვლება, რისთვისაც ადგილობრივ ბიუჯეტში წელს 831 000 ლარია გათვალისწინებული.