Доступно только по Грузински For the sake of viewer convenience, the content is shown below in the alternative language. You may click the link to switch the active language.
მიმდინარე წელს, ქედის მუნიციპალიტეტში აჭარის ა რ საავტომობილო გზებისა და სამელიორაციო სისტემების მართვის დეპარტამენტის პროგრამის ფარგლებში, 6 სოფელში 16,500 მეტრ სიგრძეზე ასფალტობეტონის საფარი დაიგება. პირველი მაისისა და აბუქეთის შემდეგ, სოფელ ვაიოსა და ხარაულაში სამუშაოები აქტიურად მიმდინარეობს. პროცესი დღეს დეპარტამენტის ხელმძღვანელის მ/შ გიორგი რომანაძემ ქედის გამგებელთან დავით დუმბაძესთან ერთად სოფელ ვაიოში მოინახულა.
ვაიოს მოსახლეობას ასფალტის საფარით არასოდეს უსარგებლია. ვაიო-კვაშტის საავტომობილო გზის 2,500 მეტრ მონაკვეთზე ასფალტის საფარის მოწყობის სამუშაოებს ტენდერში გამარჯვებული შპს „ზიმო-7“ აწარმოებს. პროექტის ღირებულება 431 180 ლარს შეადგენს და იგი 29 ივლისამდე დასრულდება.
ასფალტის საფარის მოწყობის წინა მოსამზადებელი სამუშაოები ასევე აქტიურად მიმდინარეობს სოფელ ორცვასა და ზუნდაგაში. ქედაში წელს გზების მოასფალტებისთვის სულ 4 266 000 ლარი დაიხარჯება.