Доступно только по Грузински For the sake of viewer convenience, the content is shown below in the alternative language. You may click the link to switch the active language.
შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ზუგდიდის მუნიციპალიტეტში გამყოფ ხაზთან მდებარე სოფლებში არსებულ მდგომარეობას ადგილზე გაეცნო.
ქეთევან ციხელაშვილი, სამეგრელო-ზემო სვანეთის გუბერნატორის პირველ მოადგილესთან და ზუგდიდის გამგებლის მოადგილესთან ერთად განმუხურსა და ხურცაში მცხოვრებ მოსახლეობას შეხვდა და უშუალოდ მათგან მოისმინა საჭიროებებზე ინფორმაცია.
სოფელ ხურჩაში ადგილობრივებმა ხელისუფლების წარმომადგენლებს საგზაო ინფრასტრუქტურის, საბავშვო ბაღის, გაზის და ახალი ელექტროსადენების პროექტების განხორციელებისთვის მადლობა გადაუხადეს. სოფელი ამჟამად ამბულატორიას და დაწყებით სკოლას საჭიროებს, ქეთევან ციხელაშვილი და ადგილობრივი ხელისუფლება ხურჩელებს პრობლემის მოგვარებას და მის განხილვას “გამყოფ ხაზთან მდებარე სოფლების მოსახლეობის საჭიროებების სპეციალურ კომისიაზე” დაჰპირდა.