Доступно только по Грузински For the sake of viewer convenience, the content is shown below in the alternative language. You may click the link to switch the active language.
ყვარლის მუნიციპალიტეტში მოსული სეტყვის შედეგად მნიშვნელოვანი ზარალი მიადგა მუნიციპალიტეტის სოფლებს – გავაზი, გრემი, სანავარდო, კუჭატანი და შილდა, ასევე, ქ.ყვარლის სავარგულებს. დასეტყვილია სასოფლო – სამეურნეო სავარგულები, დაზიანდა საცხოვრებელი სახლების სახურავები. სტიქიის ზონაში იმყოფებოდნენ – კახეთის სახელმწიფო რწმუნებული, ირაკლი შიოშვილი და ყვარლის მუნიციპალიტეტის მერი, როსტომ სესიაშვილი. ამავდროულად, სტიქიამ პრობლემები შექმნა თელავი – ყვარელის დამაკავშირებელ მაგისტრალზე, სადაც წაქცეული ხეების შედეგად მოძრაობა დროებით შეიზღუდა. მობილიზებულია მერიის ყველა შესაბამისი სამსახური, ასევე, გზის გაწმენდით სამუშაოებში მყისიერად ჩაერთნენ საგანგებო სიტუაციების მართვის სამსახურის მეხანძრე – მაშველები. ამ დროისთვის მოძრაობა აღდგენილია.