Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პარლამენტის თავმჯდომარე შალვა პაპუაშვილსა და მის თანმხლებ საპარლამენტო დელეგაციას ოფიციალური სადილის ფორმატში შვეიცარიის სახელმწიფო საბჭოს პრეზიდენტმა ევა ჰერცოგმა უმასპინძლა. მხარეებმა დადებითად შეაფასეს საქართველოსა და შვეიცარიას შორის მრავალწლიანი თანამშრომლობა. შალვა პაპუაშვილის თქმით, ძალიან ღირებულია საქართველოს ტერიტორიული მთლიანობისადმი, კონფლიქტის მშვიდობიანი მოგვარებისადმი და საქართველოს დემოკრატიული, სოციალურ-ეკონომიკური განვითარებისადმი შვეიცარიის მხარდაჭერა. მხარეებმა ისაუბრეს ორი ქვეყნის საკანომდებლო ორგანოებს შორის კავშირებზე, მათ შორის, მაღალი დონის ვიზიტების მნიშვნელობაზე. აღინიშნა საქართველოსა და შვეიცარიას შორის ორმხრივი თანამშრომლობის პრიორიტეტული მიმართულებები. ოფიციალური სადილის ფარგლებში, ასევე, განიხილეს საქართველოს პარლამენტის საქმიანობა, საერთაშორისო უსაფრთხოების გამოწვევები და ევროპული ინტეგრაციის მიმართულებით საქართველოს გეგმები. საპარლამენტო დელეგაციის შემადგენლობაში, რომელსაც პარლამენტის თავმჯდომარე შალვა პაპუაშვილი ხელმძღვანელობს, პარლამენტის ვიცე-სპიკერი გიორგი კახიანი, იურიდიულ საკითხთა კომიტეტის თავმჯდომარე ანრი ოხანაშვილი, ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე და პარლამენტის წევრი ქეთევან ჩარკვიანი შედიან.