Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ილია ჭავჭავაძის საგურამოს სახელმწიფო მუზეუმში შემოქმედებითი ფესტივალი „მომავლისთვის“ ჩატარდა. ფესტივალში მონაწილეობა მცხეთის, დუშეთის, თიანეთისა და ყაზბეგის მუნიციპალიტეტების საჯარო სკოლების მოსწავლეებმა მიიღეს. ღონისძიება, რეგიონის ახალგაზრდებთან ერთად, მცხეთა-მთიანეთის სახელმწიფო რწმუნებულმა შალვა კერესელიძემ გახსნა.
წინასწარი კონკურსის საფუძველზე შერჩეულმა ახალგაზრდებმა, სამ-დღიანი ფესტივალის ფარგლებში, საკუთარი სამხატვრო და ლიტერატურული ნამუშევრები წარმოადგინეს, ადგილზე დაწერეს ესეები, შექმნეს მხატვრული ტილოები, დაესწრნენ სპეციალურად მათთვის ჩატარებულ საჯარო ლექციებსა და მასტერკლასებს.
ფესტივალი „მომავლისთვის“ მცხეთა-მთიანეთის სახელმწიფო რწმუნებულის ადმინისტრაციის მხარდაჭერით და ილია ჭავჭავაძის საგურამოს სახელმწიფო მუზეუმის ორგანიზებით ჩატარდა.