Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქვემო ქართლში სახელმწიფო რწმუნებულმა, შოთა რეხვიაშვილმა, მოადგილე კახა კობერიძესთან და რუსთავის მუნიციპალიტეტის ხელმძღვანელ პირებთან ერთად, გმირთა მემორიალი და აგვისტოს ომში დაღუპული ადგილობრივი სამხედრო მოსამსახურეების საფლავები ყვავილებით შეამკო და მათ ხსოვნას პატივი კიდევ ერთხელ მიაგო.
ხელისუფლების წარმომადგენლები თბილისში, წმინდა მეფე ვახტანგ გორგასალის სახელობის ტაძარშიც იმყოფებოდნენ, რომელიც 2008 წლის საომარი მოქმედებებისას გარდაცვლილი რუსთაველი ჯარისკაცის, ვახტანგ გზირიშვილის და მისი თანამებრძოლების სახელობის ფონდის თაოსნობით, საქართველოს უწმინდესი და უნეტარესის, სრულიად საქართველოს კათოლიკოს-პატრიარქის ილია II-ის ლოცვა-კურთხევით აშენდა.
შოთა რეხვიაშვილმა, სამშობლოს ერთიანობისთვის დაღუპულთა მშობლებს, გმირი შვილების აღზრდისთვის, მადლობა გადაუხადა და აღნიშნა, რომ ქვეყნის მშვიდობიანი პოლიტიკით გაერთიანებას ალტერნატივა არ აქვს.
აღსანიშნავია, რომ აგვისტოს ომის გმირების ხსოვნის უკვდავსაყოფად, სხვადასხვა სახის თემატური ღონისძიებები რეგიონის ყველა მუნიციპალიტეტშია დაგეგმილი.