Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
შინაგან საქმეთა მინისტრის მოადგილე მერაბ მალანია, შსს-ს სპეციალური და საგანგებო ღონისძიებების ცენტრის ხელმძღვანელ პირებთან ერთად, ბერი ანდრიას სახელობის, სიმსივნით დაავადებულ ბავშვთა სარეაბილიტაციო სახლის ბენეფიციარებს ეწვია.
სპეციალური და საგანგებო ღონისძიებების ცენტრის წარმომადგენლებმა ბავშვებს საჩუქრად მობილური ტელეფონები, პლანშეტები, სათამაშოები და სპორტული ინვენტარი მიუტანეს. საჩუქრები იმ წერილების მიხედვით იყო შერჩეული, რომლებშიც ბავშვებმა საკუთარი სურვილები დაწერეს და ცოტა ხნის წინ მათთან სტუმრად მყოფ შსს-ს წარმომადგენლებს გადასცეს.
შსს-ს სპეციალური და საგანგებო ღონისძიებების ცენტრი მომავალშიც ითანამშრომლებს ბერია ანდრიას სახელობის ფონდთან. აღნიშნული ფონდი სოლიდური სიმსივნით დაავადებულ ბავშვებს უანგაროდ ეხმარება და მათ მკურნალობასა და რეაბილიტაციას ემსახურება.