Доступно только по Грузински For the sake of viewer convenience, the content is shown below in the alternative language. You may click the link to switch the active language.
შინაგან საქმეთა სამინისტროს აკადემიის რექტორი, გივი მიქანაძე ნატო-ს სათაო ოფისის პროფესიული განვითარების პროგრამის (PDP) კოორდინატორს, მარჩინ კოზიელს და ნატო-საქართველოს პროფესიული განვითარების პროგრამის წარმომადგენლებს შეხვდა.
გივი მიქანაძემ სტუმრებს შსს-ს აკადემიაში განხორციელებული, მიმდინარე და დაგეგმილი პროექტები გააცნო. მხარეებმა შს მინისტრ გიორგი მღებრიშვილის ინიციატივაზე ისაუბრეს, რომელიც აკადემიის რეგიონულ-საგანმანათლებლო ცენტრად ჩამოყალიბებას გულისხმობს. გივი მიქანაძემ და მარჩინ კოზიელმა პოლიციელთა განათლების კუთხით სამომავლო გეგმები განიხილეს და არსებული თანამშრომლობის გაღრმავებაზე შეთანხმდნენ.
შეხვედრის დასრულების შემდეგ, სტუმრებმა შსს-ს აკადემიის ინფრასტრუქტურა, სასწავლო და ფიზიკური მომზადების ოთახები, იმიტირებული სასამართლო დარბაზი, იმიტირებული სასაზღვრო-გამშვები პუნქტი, რეალური და ვირტუალური ტირები დაათვალიერეს.