Доступно только по Грузински For the sake of viewer convenience, the content is shown below in the alternative language. You may click the link to switch the active language.
შუახევის მუნიციპალიტეტის სოფელ ხიჭაურში ახალი საბავშვო ბაგა-ბაღი გაიხსნა. საბავშვო დაწესებულების გახსნას აჭარის მთავრობის თავმჯდომარე ზურაბ პატარაძე დაესწრო და ხიჭაურის მოსახლეობას ახალი, თანამედროვე საბავშვო ბაღი მიულოცა. მთავრობის თავმჯდომარემ აღნიშნა, რომ ბაგა-ბაღი სრულად აკმაყოფილებს თანამედროვე მოთხოვნებს, სადაც საუკეთესო პირობებია შექმნილი სააღმზრდელო პროცესისთვის.
2 სართულიანი საბავშვო ბაღი თანამედროვე სტანდარტების შესაბამისადაა აღჭურვილი და ადაპტირებულია სპეციალური საჭიროების მქონე პირებისთვის. პროექტის ფარგლებში მოეწყო საძინებლები, გასართობი ოთახები, სველი წერტილები, სამზარეულო, დამონტაჟდა ცენტრალური გათბობის თანამედროვე სისტემა. ბაგა-ბაღი 50-ზე მეტ აღსაზრდელზეა გათვლილი, სადაც 15-ზე მეტი ადგილობრივი დასაქმდება. სამუშაოებს ტენდერში გამარჯვებული შპს ,,ლადა“ ასრულებდა, საბავშვო ბაღის მშენებლობაზე 220 000 ლარი დაიხარჯა.
ბაგა-ბაღის გახსნის ღონისძიებას ხიჭაურში აჭარის უმაღლესი საბჭოს თავმჯდომარე დავით გაბაიძე, საკანონმდებლო და აღმასრულებელი ხელისუფლების წარმომადგენლები, ბაღის აღსაზრდელები და მასწავლებლები ესწრებოდნენ.