Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ნოდარ დუმბაძის 91-ე დაბადების დღე, მწერლის მშობლიურ ჩოხატაურში საზეიმოდ აღინიშნა. ჩოხატაურის მუნიციპალიტეტის ა(ა)იპ „თანამედროვე სახვითი ხელოვნების გალერეაში“ , რომელსაც ნოდარ დუმბაძის ოჯახის წევრები, თანამედროვე ქართველი მწერლები და ჩოხატაურის მუნიციპალიტეტის ხელმძღვანელი პირები ესწრებოდნენ, ლიტერატურულ-საგანმანათლებლო პროექტ „ცოცხალი წიგნები“-ს ფარგლებში, ახალგაზრდა პროზაიკოსებთან და პოეტებთან შეხვედრა გაიმართა.
გაიხსნა ცნობილი ქართველი მწერლისა და მხატვრის მანონ ბულისკერიას გამოფენა -„კედლების გემო-3“ და ნ. დუმბაძის გამომცემლობის წიგნების გამოფენა-გაყიდვა.
თანამედროვე მწერლებმა „ივლიტას ბიბლიოთეკას“ საჩუქრად წიგნები გადასცეს. ასევე, „ნოდარ ბაბუს ლექსები“ -ს წიგნებით დაასაჩუქრეს ჩოხატაურის მუნიციპალიტეტის ბიბლიოთეკები, საჯარო სკოლები და საბავშვო ბაღები.
სტუმრებმა, გორაბერეჟოულის დენდროლოგიურ პარკში, ერისთავების სასახლე და ერკეთში მთავარანგელოზის სახელობის ეკლესია დაათვალიერეს, სადაც საქველმოქმედო ფონდი „ქართუ“-ს დაფინანსებით სარესტავრაციო სამუშაოები მიმდინარეობს.
ნოდარ დუმბაძის საიუბილეო საღამოს დასკვნითი ნაწილი სოფელ ზენობანში, მწერლის სახლ-მუზეუმში, მოწვეული სტუმრებისა და ადგილობრივი ანსამბლების ღონისძიებით დასრულდა.