Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
2 ივნისს ძლიერმა წვიმამ და ქარიშხალმა ზიანი მიაყენა ჩხოროწყუს მუნიციპალიტეტის სოფლებს: თაიას, ზუმს, ნაფიჩხოვოს,ხაბუმესა და მუხურს.
ადიდებულმა ღელეებმა ჩამორეცხა შიდა საუბნო გზები, დატბორა მოსახლეობის საცხოვრებელი სახლის ეზოები, სათესი ფართობები. წაქცეულია მრავალწლოვანი ხეები. დახოცილია შინაური ფრინველი.
შემთხვევის ადგილზე იმყოფებოდნენ მუნიციპალიტეტის გამგებელი დათო გოგუა, გამგებლის პირველი მოადგილე გოჩა ჩიქოვანი, სოფლის ხელმძღვანელები და შესაბამისი სამსახურების წარმომადგენლები.
ამ ეტაპზე წაქცეული ხეებისგან გადახერგილი გზები გაწმენდილია, აღდგენილია მოძრაობა. მოსახლეობას შეუზღუდავად მიეწოდება ელექტროენერგია.