Доступно только по Грузински For the sake of viewer convenience, the content is shown below in the alternative language. You may click the link to switch the active language.
მცხეთის მუნიციპალიტეტში სოფლების – წილკნისა და წეროვანის დამაკავშირებელი საავტომობილო გზის სამშენებლო სამუშაოები აქტიურად მიმდინარეობს. პროექტის ფარგლებში ასფალტ-ბეტონის საფარით კეთილმოეწყობა 7 კმ-მდე გზა. სამუშაოები რეგიონებში განსახორციელებელი პროექტების ფონდიდან, ადგილობრივი ბიუჯეტის თანადაფინანსებით ხორციელდება და მისი ღირებულება ორ-ნახევარ მილიონ ლარამდე შეადგენს. პროექტის მიმდინარეობას მცხეთა-მთიანეთის მხარის სახელმწიფო რწმუნებული დავით ნოზაძე, პირველ მოადგილესთან – გიორგი ჩიფჩიურთან და მცხეთის მუნიციპალიტეტის მერთან – დიმიტრი ზურაბიშვილთან ერთად გაეცნო.
„გასული წლების მსგავსად, 2024 წელსაც ჩვენს ერთ-ერთ მთავარ პრიორიტეტს წარმოადგენს საგზაო ინფრასტრუქტურის მოწესრიგების საკითხი. ამ მიზნით სამშენებლო-სარეაბილიტაციო სამუშაოები განხორციელდება მთელი რეგიონის მასშტაბით. დღეს ჩვენ წილკან-წეროვანის დამაკავშირებელ საავტომობილო გზაზე მიმდინარე სამუშაოები მოვინახულეთ, პროექტი აქტიურ ფაზაშია და მისი დასრულების შემდეგ მოსახლეობა მეტად უსაფრთხო და კომფორტულ გადაადგილებას შეძლებს“, – აღნიშნა დავით ნოზაძემ.
სამუშაოების მიმდინარეობას, რეგიონისა და მუნიციპალიტეტის ხელმძღვანელ პირებთან ერთად, ადგილობრივი თვითმმართველობის სხვა წარმომადგენლებიც გაეცნენ.